Pages

11. huhtikuuta 2015

Niin hauska ettei saata nukkua

mie ajattelin freistata nyt kirjoittaa meänkielelä posatuksen. sain itean ko kuuntelin meänraatiota tässä eilen ja mietin ette minun häätyy varsin alkaa kirjottmhaan. mie uskon ette ko alkaa kirjottamhaan meänkieltä niin suomenkielen grammatikki unohtuu varhmaan noepasti.

 mulla ei ole ollu täksi pääsiäislomaksi mithään sen ihmeellisempiä suunnitelmia ko ette ajattelin sivakoja paljon ja niin mie olen tehnykki. mulla ja Jensillä on molemila loma ja siksi met olema olheet koko loman Mettäjärvessä ja ottahneet lugnisti. Tänhään met olima koko päivän saaressa ja paistoimma makkaraa. Falukorvia tietenki ko ei niitä suomalaisia makkaroita suita syöjä. Ja söimä met ylös tietenki vaahtokarkkejaki melkhein kokonaisen pussin.
Jensi se haluaa aina pimplata mutta mie en halva istua jäälä ko sielä kummiski tuulee niin ettei saata soolata. Siksi mie istun maissa tuulensuojassa ja Jensi jonku meeterin päässä jäällä, mutta kummiski niin kaukana ette ei viitti alkaa huutahmaan niin ette koko kylä kuulee asian niin meän häätyy mobiilin kanssa smssata jos sattuu olheen jotaki asiaa esimerkiksi "oos kallaa tullu" Olema met käyhneet muilaki järvilä jotka oon tässä lähelä ja melkein yhtä fiinit maisemat sielä olit ko meän omala järveläki.

tähän aikhaan koko Mettäjärvi oon täynä släktinkejä niin tunnuttaa siltä ette net oon niin ko turisteja jotka ei aina ymmärä tämän perän tapoja ja ummikkoja net oon kaikki ja niiltä varmasti tuntuu kauhean eksoottiselta ko net tullee sieltä Stockholmin ja Umeån perältä tänne missä kaikin porisee vain meänkieltä, vaikkaki kaikilla niiläki kuitenki juuret oon täältä Mettäjärvestä. aina niitä saapii olla vetämässä pois ko jäävät kiini milloin piilillä ja milloin kelkalla. mutta onhan se hauska ko kylälä oon jotaki liikettä vaikka mamma kiroaaki ko kelkkoja ajaa koko ajan ohitte eikä saa sitä rauhaa mikä pruukaa olla normaalisti.

nyt voin sanoa ette mulla on kauhea reisufeberi ko heti jälkhiin påsklovin meän samhällsklassi lähtee käyhmään Stockholmissa. oon se miehleisempää ko istua koulunpenkillä ja kuunnella tyihänpäivästä paplausta.

mutta ei mulla ollu muuta tällä kertaa, nyt voitte tietenki kertoa, että mitä tykkäsitte tästä meänkielisestä blogikirjoituksesta. minusta sitä on ainakin helpomi kirjoittaa kuin puhdasta suomea, mutta se miten kaikki ymmärtää onkin toinen asia... ehkä minun pitäisi alkaa kirjoittamaan blogia kokonaan vain meänkielellä haha? 





Ei kommentteja:

Lähetä kommentti

Hei! Nyt julkaisen taas kommentteja blogiin, joten risut ja ruusut tänne siis.

Copyright @ SUNNÁ. Blog Design by KotrynaBassDesign