Pages

26. heinäkuuta 2016

Hillajänkälä

Vihhoinki hillat oon kypsät! Ko mie kävelen parisattaa meetteriä meän kartanolla niin silhmiin ossuu hilloja kauhea määrä. Met kuiteski päätimmä mamman kanssa eilen illala lähteä hilhaan järven toisele puolele.
Hillajänkäle häätyy muistaa ottaa sääskimyrkky matkhaan muuten hommasta ei tule mithään. Mie en tykkää vähhäkhään nykyaijan sääskimyrkyitten hai'justa. Net vastaa niin mulle nokhaan ette en halva panna niitä ollenkhaan. Niin mie använtaan tervaa sen siihaan. Toinen asia jota ei vain saa unheuttaa hillajänkälä ollessa on laulaminen eli joikaaminen. Tämä sen takia ette lähelä olevat karhut tietävä laukkoa poijes. Mie en jaksa olla aina äänessä niin mie pellaan musiikkia mupiilitelefuunista sen siihaan (muterni kläppi ko olen).
No ko met sitten olimma valhmiit ja pääsimmä kotia niin minun marjahinkki oliki melkhein kokohnaan tyihä. Se selitty sillä ko mulla oli reisussa olan päälä heilumassa kaamera, jota mie käytin fliittisesti. Niin ette marjat jäivät minun osalta jänkäle. Kokoan joskus toisti paremin.

Ajattelin että olisi hauskaa vaihtelua kirjoittaa blogiin suomenkielen sijaan meänkieltä. Suunnilleen tällä tavoin puhun tosielämässä. Oikoluin tekstin kolme kertaa - joten kyllä jokainen sana on siis oikein kirjoitettu meänkieleksi. Jotkin sanat tarkoittavat taas ihan toista asiaa mitä suomenkielinen voisi äkkiseltään olettaa. Mutta uskon että kaikki ymmärtävät suurin osin, ilman aikaisempaa kokemusta tästä kielestä.

Ei kommentteja:

Lähetä kommentti

Hei! Nyt julkaisen taas kommentteja blogiin, joten risut ja ruusut tänne siis.

Copyright @ SUNNÁ. Blog Design by KotrynaBassDesign